0
Ua toe galue le ta’ita’i leoleo susuga Li’o Faataumalama Auava i ni aiaiga ua faailoa e le Sui Komesina le susuga Leiataualesā Samuelu Afamasaga e pei o le nofo vaavaaia mo se vaitaimi poo le probation, ma le fautuaga e taofi lona toe faaaogā o fesoota’iga televavave faaonaponei le social media e toe talanoa ai i le matāupu na māfua ai ona faamuta lana tautua faaleoleo.
Ua faailoa lea aiaiga e le Sui Komesina faapea ma le māfua’aga o le toe ulufale atu o lea ta’ita’i leoleo e faaauau lana tautua i le matāgaluega.
Faaalia e Leiataualesā Samuelu Afamasaga o le lē faamaonia o le moliaga a leoleo sa su’esu’eina e le Faamasinoga Faaitumalo lea sa tuua’ia ai le susuga Li’o Faataumalama Auava na faavae ai le faai’uga e toe talia i le galuega faaleoleo ma tuu iai ma aiaiga e tatau ona tausisia.
Le afioga i le Sui Komesina o leoleo, le susuga Leiataualesā Samuelu Afamasaga.
